ئین وەن تاوەر یاخود ئەربیل وەن تاوەر ناسراویشە بە زانیاری تاوەر باڵەخانەیەکی ٤٨ نھۆمی ١٨٠ مەترییە کەوا کەوتووەتە شاری هەولێری پایتەختی هەرێمی کوردستان. ئەوکاتەی کۆتایی بە کارەکانی باڵەخانەکە دێت، دەبێتە بەرزترین باڵەخانە لەسەر ئاستی عێراق. پڕۆژەکە لە دروستکردنی کۆمپانیای کرمانجە بە خاوەندارێتی سەباح نووری عەلی. ئامانج لە دروستکردنی پڕۆژەکە بۆ گەشەپێدان و بوژاندنەوەی ناوچەکە و ڕەخساندنی ھەلی کار و بەرزکردنەوەی کوالێتی ژیانە لە ناوچەکەدا. باڵەخانەکە لە کۆنکرێتی بەهێزکراو دروستکراوە و بڕی کۆنکریتەکە دەکاتە ٤٠٬٠٠٠ مەتری سێجا و لەلایەن کۆمپانیای فەڕەنسی لافارجەوە دابینکراوە کە دابینکەری سەرەکی کۆنکریتە لەسەر ئاستی نێودەوڵەتی.