تاوەری واسڵ کۆمەڵگەیەکی نوێی نیشتەجێبوونە دەکەوێتە ئەلواسل سیتی لە دوبەی. پڕۆژەکە لەلایەن کۆمپانیای وەسڵ پرۆپرتیس بە هاوبەشی لەگەڵ ڕاوێژکاری تەلارسازی UNStudio پەرەی پێدراوە کە ئەویش کۆمپانیایەکی هۆڵندیە و لە ساڵی ٢٠١٥ وە کاری پڕۆژە دروستکردن دەکەن و تا ئێستاش بەردەوامن. تاوەرەکە لە ٦٣ نهۆم پێکهاتووە و شێوەیەکی ناهاوسەنگ و پێچاوپێچی سەرنجڕاکێشی هەیە و بە تاوەرە هەناسەدەرەکە ناسراوە، ئەمەش بەهۆی ئەو تەنە سیرامیکەیە کە ڕووبەری تاوەرەکەی پێ دروست کراوە و کاتێک تاوەرەکە تیشکی خۆری بەردەکەوێت بە شێوەیەکی جوڵاو ڕەنگ دەداتەوە. بەدەر لە جوانکاریـی، ڕووبەری سیرامیکی تاوەرەکە ڕێگە لە هاتنە ناوەوەی ژاوەژاوی دەرەوە دەگرێت و هەروەها پلەی گەرمی ژوورەوە بە شێوەیەکی گونجاو ڕادەگرێت. شایەنی ئاماژەپێدانە تا باخچەکانی ناو تاوەرەکە لە بیر نەکەین کە ڕێژەی ئۆکسجین زیاد دەکەن.